Isaiah 2
Kĩrĩma kĩa Jehova
1Ũyũ nĩguo ũhoro ũrĩa Isaia mũrũ wa Amozu onire ũkoniĩ Juda na Jerusalemu:2 aMatukũ-inĩ ma kũrigĩrĩria
kĩrĩma kĩa hekarũ ya Jehova nĩgĩkahaandwo
kĩrĩ kĩo kĩnene gatagatĩ ka irĩma iria ingĩ;
nĩgĩkambarario igũrũ rĩa tũrĩma tũrĩa tũngĩ,
nao andũ a ndũrĩrĩ nĩkuo magaathiiaga.
3 bNdũrĩrĩ nyingĩ nĩigathiĩ kuo ikiugaga atĩrĩ,
“Ũkai, twambate tũthiĩ kĩrĩma-inĩ kĩa Jehova,
tũthiĩ nyũmba ya Ngai wa Jakubu.
Nĩagatũruta ũhoro wa mĩthiĩre yake,
nĩgeetha tũgeragĩre njĩra ciake.”
Nĩgũkorwo Zayuni nĩgũkoima ũtaarani,
nakuo Jerusalemu kuume ndũmĩrĩri ya Jehova.
4 cNake nĩagatuithanagia ndũrĩrĩ ciira,
na aiguithanie irĩndĩ nyingĩ.
Hiũ ciao cia njora magaacithondeka ituĩke mĩraũ ya kũrĩma,
namo matimũ mao mamathondeke matuĩke hiũ cia gũceeha mĩtĩ.
Gũtirĩ rũrĩrĩ rũgaacooka kũrũa na rũrĩrĩ rũrĩa rũngĩ na rũhiũ rwa njora,
o na kana merute ũhoro wa mbaara hĩndĩ ĩngĩ.
5 dAtĩrĩrĩ wee nyũmba ya Jakubu,
ũkaai tũthiiage tũmũrĩkĩirwo nĩ ũtheri wa Jehova.
Mũthenya wa Jehova
6 eWee nĩũtiganĩirie andũ aku,o acio a nyũmba ya Jakubu.
Nao marũmĩtie mũno mĩtugo na irĩra cia andũ a mwena wa irathĩro;
maragũraga ta Afilisti,
na makagĩa thiritũ na andũ matooĩ Ngai.
7 fBũrũri wao ũiyũrĩte betha na thahabu,
igĩĩna ciao itingĩthira.
Bũrũri wao ũiyũrĩte mbarathi;
na ngaari ciao cia ita itingĩtarĩka.
8 gBũrũri wao ũiyũrĩte mĩhianano ya kũhooywo;
mainamagĩrĩra wĩra wa moko mao,
o indo iria mathondekete na ciara ciao.
9Nĩ ũndũ ũcio mũndũ nĩakaharũrũkio,
nacio iruka cia andũ iconorithio;
ndũkanamarekere.
10 hToonyai rwaro-inĩ rwa ihiga,
mwĩhithe tĩĩri-inĩ mũũrĩre kĩmakania kĩa Jehova
na riiri wa ũnene wake!
11 iMaitho ma mũndũ mwĩtĩĩi nĩmagaconorithio,
naguo mwĩtĩĩo wa andũ nĩũkaharũrũkio;
no Jehova we wiki nĩwe ũgaatũũgĩrio mũthenya ũcio.
12 jJehova Mwene-Hinya-Wothe arĩ na mũthenya aigĩte
wa gũũkĩrĩra andũ arĩa othe etĩĩi na arĩa meĩkagĩrĩra,
na arĩa othe metũũgagĩria
(nao othe nĩmakanyiihio),
13 kna okĩrĩre mĩtarakwa yothe ya Lebanoni, ĩrĩa mĩraihu na igũrũ na ĩkaneneha mũno, ▼
▼Bũrũri wa Lebanoni warĩ mwena wa irathĩro wa Jorodani, na woĩkaine nĩ ũndũ wa mĩtarakwa na ngʼombe ciakuo.
o na mĩgandi yothe ya Bashani,
14 mna okĩrĩre irĩma iria ndaaya na igũrũ,
na tũrĩma tuothe tũrĩa tũraihu.
15 nna okĩrĩre mũthiringo o wothe mũraihu na igũrũ
na rũthingo o ruothe rwakĩtwo rwa hinya,
16 ona okĩrĩre marikabu ciothe cia Tarishishi,
na marikabu ciothe iria njega mũno.
17Mwĩtũũgĩrio wa mũndũ nĩũkaharũrũkio,
na mwĩtĩĩo wa andũ ũconorithio;
no Jehova we wiki nĩwe ũgaatũũgĩrio mũthenya ũcio,
18 pnayo mĩhianano ya kũhooywo nĩĩgathira biũ.
19 qAndũ makoorĩra ngurunga-inĩ cia ndwaro cia mahiga,
o na marima-inĩ ma thĩ,
moorĩre kĩmakania kĩa Jehova na riiri wa ũnene wake,
hĩndĩ ĩrĩa akaarũgama athingithie thĩ.
20Mũthenya ũcio andũ makooya mĩhianano yao ya betha,
na mĩhianano yao ya thahabu,
ĩrĩa methondekeire mamĩhooyage,
mamĩikĩrie huko na huhu.
21 rNao makoorĩra ngurunga-inĩ cia ndwaro cia mahiga,
na mahiga-inĩ marĩa macunjurĩte
morĩre kĩmakania kĩa Jehova
na riiri wa ũnene wake,
hĩndĩ ĩrĩa akaarũgama, athingithie thĩ.
22 sTiga kwĩhoka mũndũ,
ũrĩa mĩhũmũ yake ĩrĩ o maniũrũ-inĩ make.
Nĩ ũndũ-rĩ, akĩrĩ wa bata ũrĩkũ?
Copyright information for
KikGKY